|
Aínda que a calidade final do noso produto de I
categoria decídese en cada un dos pasos que damos
durante o ano, na S.A.T. A Pementeira facemos que o
proceso que nos leve a comercializar os mellores
pementos non remate coa recollida dos mesmos,
repercutindo na nosa filosofía de vida de vivir da
agricultura.
 Por iso, na nosa nave de envasado, onde se cumpren
todas as condicións hixiénicas, sanitarias e de
trazabilidade que nos foron marcadas, escollemos
manualmente aqueles pementos que cumpren os
requisitos de calidade que nos autoesiximos.
Desbotamos así aqueles que, polas súas
características, consideramos que poderían ser
excesivamente picantes e, ao mesmo tempo, limpamos
axeitadamente o produto a granel para eliminar as
posibles flores que puideron quedar pegadas ao
froito, follas, rabos rotos, …etc.
O envasado dos pementos, en bolsas individuais -400
gramos- que permiten a osixenación do produto, así
como o transporte ata os puntos de venta, garanten
en todo momento a boa conservación da mercancía ao
longo dun proceso que A Pementeira coida e vixía
desde a horta ata o cliente.
Como empresa produtora pretendemos traballar cun
sistema de xestión de calidade que se está a implantar, dacordo cos socios e socias da S.A.T.
Sen esquecernos da garantía que nos ofrecen as
décadas que a xente leva dedicada á horta, a esa
tradición do cultivo do pemento que fixo deste o que
hoxe en día é un produto cunha variedade
específica, con caracterización organoléptica e
cunhas características físico-químicas propias,
apreciado por quen o coñece, e famoso polo mundo
enteiro.
|
