|
O cultivo:
Aínda que a época na que podemos atopar no mercado
os auténticos Pementos de Herbón vai normalmente de
maio a novembro (reducíndose de xuño a outubro se o
cultivo é ao aire libre), o traballo dos socios e
socias da S.A.T. A Pementeira esténdese ao longo de
todo o ano:, iníciase coa selección da nova
semente, continua co cultivo dos semilleiros e
finaliza coa recollida. Así, aínda non rematada unha
temporada de colleita, comezan xa os labores
necesarios para obter bos resultados na seguinte.
Os agricultores cultivan con moito mimo, un pemento
único e difícil de cultivar.
Este cultivo realízase mediante variedades
específicas, producindo Pementos cunha
caracterización organoléptica e unas características
físico-químicas ligadas a Zona de Producción como o
clima, a auga, o tipo de solo. A condición
esencial vén determinada porque é unha planta
solanácea, que precisa o sol, pero non a calor
intensa, se a climatoloxía é axeitada o pemento é
inmellorable.
A grandes trazos o ciclo do pemento sería o
seguinte:
1. A obtención da semente, extraída dos
propios Pementos de Herbón, é o primeiro
paso. Extráese manualmente a semente da que
nacerá a nova colleita, esta é un labor de nivel
alto de cualificación, baseado na experiencia e
nos coidados especiais.
2. O seguinte paso, indispensable para
unha boa conservación, é secar a semente para
que perda a súa humidade. En función de se é
posible conseguir condicións óptimas, o proceso
pode durar entre 2 e 4 días.Pero fundamental
para a súa boa conservación, por iso o máis
recomendable é gardala axeitadamente para a
próxima campaña de pementos.
3. O último mes do ano é a época elixida
para preparar a terra e facer os sementeiros,
que nesta zona chamamos tallóns. Neles, medrarán
as novas pementeiras ata que alcancen o tamaño e
a forza necesarias para ser transplantadas. En
xeral, a planta do Pemento de Herbón- Padrón vai
en raíz descuberta.
4. A viaxe dos tallóns á terra, que xa
descansou e se atopa debidamente acondicionada, vai depender de se o cultivo é ao aire libre ou
baixo cuberta. Así, se transplantamos a un
invernadoiro escolleremos os meses de xaneiro,
febreiro, marzo ou abril -unha vez que pasamos
as xeadas máis fortes do inverno-, mentres que
se o facemos en aire libre, escolleremos
preferentemente os de maio e xuño.
A densidade da plantación no invernadoiro rolda
as 3-4 plantas por metro cadrado, mentres que ao
aire libre adoita ser dunhas 8-10.
5. Despois de todo isto, o incremento da
temperatura nos meses estivais, a regularidade
do regado e uns coidados axeitados farán o
resto.
6. Chegada a nova colleita, o traballo
das pementeiras e pementeiros de Herbón será
constante ata o regreso do seguinte inverno.
Así, desde as primeiras horas da mañá, as hortas
e invernadoiros da zona reciben a visita de mans
ansiosas que buscan nun mar de follas,
camuflados no verde, os seus pequenos tesouros.
A recollida realízase no momento no que os
caracteres físicos, químicos e organolécticos se
axustan aos valores óptimos. En condicións
climáticas normais para os meses de verán isto
adoita producirse cada 2 3 días ou ata 4 días.
Para apañar os pementos, como nos dicimos,
emprégase o mandil como apeiro de traballo.
Trátase dunha tea grande que se ata á cintura e
que chega ata os pés. Unha vez suxeito na parte
superior, cóllense as puntas inferiores da tea e
átanse unha coa outra na parte de atrás, á
altura dos cadrís. Créase así unha pequena bolsa
de tea na que se van recollendo os pementos ata
que o peso do mandil obriga a descargar o peso
nun cesto ou caixa. Alixeirada a carga... volta
ao rego! (Ver a imaxe do mandil na galería
de imaxes)
A selección manual:
 Nesta fase do proceso está a esencia do Pemento de
Herbón- Padrón, pois é realizada polos agricultores
cos cinco sentidos; o tacto, a vista, o oido, o
olfato e o gusto.
A selección manual vén determinada fundamentalmente
polo tacto e a vista dun bo profesional
pementeiro/a, aínda que tamén influén os outros
sentidos en casos puntuais.
Fundamentalmente o tacto e a vista, porque ao
recoller e seleccionar os pementos facemolo
manualmente e visualmente, logo xa nunha selección
máis estricta de dubida pasamos o oido, se cruxen
moito, desbotamolos, e finalmente co olor se estes
ulen moito a picante, estes pasan polo sentido final
o gusto, por último probándoos( freímos uns poucos,
para asegurarnos da súa calidade).
Xa cando se realiza a recollida vanse desbotando os
pementos que non serven, os que non se axeitan ao
noso nivel de calidade. Logo, na descarga realízanse
outra selección máis exhaustiva, con calma, na mesa
de selección, límpase de follas, restos de rabos
rotos, flores, etc.
Quedando só os Pementos de I Categoría, que xa se
levan ó envasado, ou o mercado directamente.
O envasado:
O envasado dos pementos dos socios/as produtores/as,
cumpre e garante a trazabilidade, asegurando un
control, mantendo os caracteres típicos do “
Pemento de Herbón” para salvagardar a calidade
deste, cumprindo coa zona xeográfica delimitada tal
como a nosa agrupación establece. Protexendo así as
características particulares do noso pemento.
Nave de envasado de A Pementeira
A presentación dos envases :
Debido os cambios de mercado, o noso produto,
precisa de diversos envases, tendo en conta que un
cento, ten aproximadamente uns 380 gramos na
recollida óptima do Pemento de Herbón-Padrón.
-A Bolsa da Nave de Envasado:
Vai impreso o noso Logo, as características do
produto, lote, código de barras, e a receita
tradicional.
-A Bolsa da Praza:
Bolsa manual: debido a que aínda ímos vender
como produtores -vendedores ás diferentes prazas
dos mercados galegos, o produto vai a granel nos
cestos, e envásase no propio mercado, tamén
inclúe as características do produto.
-A Bolsa para a Restauración: esta bolsa
é de asas e ten unha capacidade aproximada de
5 kgs ou dez centos.
-Os envases
Contenedores: O noso produto vai ao
mercado en cestos ou caixas alimenticias, xa
sexan éstas de plástico ou cartón. Os envíos por
transporte fanse en caixas expresas para elo,
para chegar ao consumidor final.
Tamén estamos abertos a realizar e utilizar novos e
innovadores envases adecuados ao noso pemento.
A comercialización:
“Do campo ao mercado” no mínimo tempo posible.
“Do produtor ao consumidor”, son lemas que reflicten
a nosa filosofía de vida. Gústanos que o consumidor
aprecie o noso traballo por cultivar a terra e vivir
dela.
O feito de que o pemento sexa un produto perecedeiro
fai que se alteren sensiblemente nun corto espazo de
tempo as súas características morfolóxicas e
organolépticas, polo que os desprazamentos e tempos
mortos innecesarios serán un elemento fundamental á
hora de garantir a calidade e a peculiariedade do
produto.
O transporte, almacenamento e manipulación de
produtos primarios no lugar de produción, no mínimo
tempo posible, cun escaso proceso de
comercialización, é un dos nosos obxectivos,
introducíndo o produto na cadea de frío se é
preciso, sen rompela despois, garantíndo así a
conservación do pemento durante todo o seu proceso
productivo dende o campo ata o consumidor final.
|
