Somos

A Pementeira é unha Sociedade Agrícola de Transformación dedicada á produción, envasado e comercialización do Pemento de Herbón e fundada por 23 agricultores/as cunha ampla experiencia neste cultivo.

O equipo que formamos, constituído na súa maioría por socios e socias cunha idade media relativamente nova, é herdeiro dunha sabedoría e tradición que queremos preservar ao mesmo tempo que poñemos en marcha mecanismos que nos permitan obter o máximo rendemento do noso traballo e ofrecerlle aos/ás nosos/as clientes a mellor calidade.

Con este fin, embarcámonos nun proxecto que convertemos en realidade no ano 2006, logo dun proceso no que todos e todas participamos definindo os nosos obxectivos e a nosa forma de traballo. Finalmente, no verán de 2008 puxemos en marcha a nosa Nave de Envasado e saímos ao mercado co nome de S.A.T. A Pementeira.

Hoxe, grazas a un grupo de interprofesionais cualificados que nos asesoran para unha xestión eficaz do cultivo e comercialización dos nosos pementos, e aos medios dos que dispoñemos, estamos en condicións de ofrecerlle ao cliente un produto de primeira calidade e de desenvolver un sistema eficiente de produción e comercialización.

Esta SAT que decidimos fundar veu  a consolidarse  debido ás necesidades do mercado de hortalizas frescas cada vez máis esixente, así pois tamén decidimos  constituir a  Nave de Envasado, que nos facilitase  crear unha  Marca  diferente e orixinal  que evitase que no mercado se copiase ou  se intentara semellar, tal como estaba ocorrendo últimamente, co  noso producto.

Temos claro que queremos que sexa unha Marca orientada a conseguir  calidade e non  cantidade, debido a que o noso cupo de produción segue a ser pequeno.

A nosa Marca

Simboloxía da marca:

O nome: principalmente este nome  elixiuse de entre outros, porque ten varios significados. Primeiramente foi porque unha pementeira é un campo a pementos.  Tamén nos suxire  a unha muller pementeira, figura  que representa a muller traballadora do campo galego, esta figura típica do campo galego, maioritariamente  muller que tradicionalmente traballaba no campo e logo ía vender os seus produtos ós mercados galegos.

Xa no Logo, despois  de barallar diferentes opcións, e asesorarnos con profesionais, percatámonos que a figura principal, tiña que ser unha pementeira, pois era recurrente a idea da figura feminina recollendo  pementos, queriamos algo representativo do tradicional pero que fose un logo con rasgos modernos, e as cores evidentemente tiñan que ser coas tonalidades verdes.

Os/as socios/as

Produtores/as e Comercializadores:

A S.A.T. A Pementeira non quere ser unha entidade pechada, nun futuro mantén a idea da incorporación de novos socios/as, a unha agricultura que é un modo de vida.  Se traballas na produción de Pementos de Herbón e cumpres os requisitos que marcará, unha vez aprobada, a D.O. Pementos de Herbón, hai a posibilidade de ser un novo socio/a. 

Estas somos, na actualidade, todas as persoas que fundamos a S.A.T. A Pementeira:

(Por orden de Socio/a):

1.      Milagros Gónzalez Refojo

2.      Maria del Pilar Boga López

3.      Maria Luisa Tubio Eitor

4.      Lidia Martínez Rarís

5.      Jose Ramón Dopazo Martínez

6.      Peregrina Dios Villaverde

7.      Maria del Carmen Pérez Bandín

8.      Rosa Maria Pérez Rodríguez

9.      Alicia Ramallo Fernández

10.    Maria Luisa Vázquez Vázquez

11.    Maria del Carmen Rarís Bentrón

12.    Rosa Guimarey López

13.    María del Carmen García Magariños

14.    Begoña Chenlo Gómez

15.    Maria Teresa García Boga

16.    José Ramón Magariños Carlés

17.    Lucía Diéguez Freire

18.    Milagros Piñeiro Freire

19.    Maria Teresa Mariño Ozores

20.    Rosa Maria Diéguez Raris

21.    Marcelino Rarís García

22.    Maria Teresa Pérez Blanco

23.    Carmen Dios Caldelas

 

A Directiva

A directiva actual da SAT A Pementeira está constituída polas seguintes persoas:

Presidenta: Milagros González Refojo

Secretaria: Mª Teresa Pérez Blanco 

Tesoureiro: Marcelino Rarís García

Vocais: Milagros Piñeiro Freire, Rosa Diéguez Rarís e Begoña Chenlo Gómez.

Este proxecto colectivo de agricultores/as, constitúese coa  premisa dunha nova  xeración de produtores/as  que queren producir, envasar e distribuír calidade, como fin do seu obxectivo prioritario.

No 2006 adquireu unha parcela no Polígono padronés de  Picusa na que se construiu unha nave de 400 metros cadrados, cunha inversión aproximada de 240.000 euros, iniciais.  Este gran paso deuse para poder acceder a novos mercados e con garantía de calidade. Cumprindo así os requisitos, como o etiquetado, situando o Pemento de Herbón – Padrón  con outros produtos con denominación de orixe de modo que o comprador pagará o producto pero saberá que é o auténtico, e con garantía de calidade.

Nun principio comezamos por agruparnos para compartir o envasado, é dicir, cada produtor/a vén determinado na bolsa da Pementeira. Cada produtor/a  envasa o seu produto, todo dentro da mesma marca, eso sí garantíndo a súa calidade.

Xa na distribución esta virá determinada pola demanda , xa que en principio cada produtor/a venderá o seu propio produto, directamente evitando intermediarios. Tamén venderá en conxunto, para poder abastecer os diferentes mercados e aos distribuidores interesados en comercializar o noso produto.